Kalaallit Nunaanni atuarfiit-/ilinniagaqarfiit attaveqaataat ATTAT tassaassaaq qitiulluinnartumik pissusissamisoortumillu qarasaasiaq aqqutigalugu naapittarfik aamma KalaallitNunaanni ilinniartitaanerup silarsuaata iluani ilinniartitaaneq-/ attaveqaqatigiittarnerlu pillugit oqallittarfissaq.
ATTAT pillugu siunniussat siunertallu
Nunarsuarmi nunat allarpassuit assigalugit Kalaallit Nunaanni inuiaqatigiit akornanni paasissutisseeqatigiittarnermik tunngaveqarneq atugarileraluttuinnarparput, tassani teknikkikkut atortorissaarutit ineriartortitaanerisa iluanni attaveqaqatigiittarnikkut ilinniartitaanikkullu periarfissat nutaarluinnaat periarfissiinerat pissutaalluni. Inuuneq tamaat piginnaasassanik ineriartortitisiuarnissamik pisariaqartitsineq annertusigaluttuinnarpoq, aamma nunarsuarmioqatigiinngorsaanerup attaveqaqatigiittarnerup tungaatigut killissarititaasimagaluartut atorunnaarsissimalereerpai. Eqaatsumik periuseqarluni, ungasissumut attavitsigut qarasaasiaq atortoralugu atuartitsisinnaanermik periarfissat nutaat tunniussai, Kalaallit Nunaanni ilinniartitaanikkut aaqqissuussaanerup iluani ilinniagaqarnikkut periarfissat nutaat ilanngullugit ineriartortinneqartariaqarput.

ATTAT ?ip siunertaa pingaarnerpaaq tassaavoq periarfissat pitsaanerpaat makku pilersissallugit:

  • oqariartaatsip atitunerpaamik paasineqarsinnaaneratuulli qarasaasiaq atortoralugu eqaatsumik ungasissumut attaveqaat toqqammavigalugu atuartitsisinnaaneq.
  • najugaqarfimmit imaluunniit piffissamit killilersugaanngitsumik attaveqaqatigiissinnaaneq, kulturikkut ineriartortitsisinnaaneq, suleqatigiissinnaaneq oqallissinnaanerlu

ilinniartitaanikkut aaqqissuussaasimanerup iluani ilinniakkap sammivia – killiffialuunniit apeqqutaatinnagit ilinniartunit ilinniagaqarfinniillu tamanit peqataaffiusinnaasoq.

Anguniagaq

  • Kalaallit Nunaanni ilinniagaqarfiit tamarmik attaveqaammut ATTAT ?-mut attavilerneqarnissaat.
  • Ilinniartitaanikkut aaqqissuussaanerup iluani peqataasut tamarmik attaveqaammut periarfissaqartitaanissaat.
  • Perorsaanikkut ineriartortitsinerup iluani ujartorneqartut teknikkut periarfissat, ATTAT?-mit neqeroorutigineqassapput.
  • Inatsisit tungaasigut piumasaqaataasut isumannaallisaanerlu pillugu Namminersornerullutik Oqartussat inatsisaannut atuuttunut ATTAT naammassinnissimasuussaaq.
  • ATTAT aqqutigalugu kiffartuunneqarnerup ingerlatsinikkut tamatigoortumik ingerlanneqarnissaa anguniarlugu, piffissap kiffartuussiviup 99,9% -tiata isumannaatsuunissaa anguniarneqassaaq.

Suliniutigineqartup misileraaffiugallarnera
ATTAT
piffissami matumani ukiup 2002 -p naajartornerani taamaatinneqartussatut, suliniummik misileraaffittut taaneqarluni aallarnisarneqarnikuuvoq. Suliniutigineqartup tamatuma siunniuneqartut, siunertat anguniagassallu pingaarnerit tikkuusiffiginiartussaassavai – taamatuttaarlu suliniutigineqartup misileraaffiunerata makku iluatsittumik anguniagassarai:


  • Suliniutigineqartup sinaakkutaasa iluanni ilinniarfeqarfiit atuisullu sapinngisamik amerlanerpaat attavilerneqarnissaat.
  • linniartitaanermut tunngatillugu qarasaasiap, IT-ip annertuumik periarfissiinerata ersarissarneqarnissaa peqataaffigissallugu.
  • ATTAT ?-mi qarasaasiap sakkuutaasa; ?router?, ?hard?- amma ?software? kiisalu ?First Class? aqqutigalugit ?oqallittarfiit? iluatsilluartumik ikkussugaanissaat piviusunngortiterneqarnissaallu.
  • IT-ip atugaanerata iluani, inatsisit qarasaasiarsornermut tunngatillugu soqutiginaatillit ersarissumik paaseqatigiiffiunissaat.
  • Atuarfeqarnerup, - kultureqarnerup ilinniartitaanerullu iluini ataavartumik attaveqaateqalernermut tunngatillugu tamatuma siunissami aaqqissugaasumik ingerlanneqalernissaa pillugu ersarissumik paaseqatigiiffiunissaa.
  • Atuisuulerumaartussanut soqutigisaqartuujumaartussanullu tamanut ATTAT pillugu ingerlaavartumik paasissutissiisarnissaq qularnaassallugu.
  • Piffissami aaqqissuussaasumik suliniummik misileraaviusumi, siunertarineqartumut naapertuuttumik piviusunngortiterinissaq.
  • ATTAT?-ip tamakkiisumik atorluarneqarnissaa siunertaralugu atuisinnaasunik atuillaqqissorujussuarnillu pinngitsoorneqarsinnaanngitsunik tamakkiisumik ilinniartitsinissap ingerlanneqarnissaa.


Ineriartortitsinermi ineriartortitsivigissallugit periarfissaqqissut

Piffissaq ungasinnerusoq isigalugu aammattaaq ATTAT ineriartortisinermi assersuutigalugu makkunnga neqeroorutaasinnaavoq; aaqqissuussaasumik ilinniagaqartunut ingerlatsivinni, paasissutissanik toqqorsivinni (databaser) soqutiginaatilinni kiisalu atuakkanik atorniartarfeqarnerup atuuffiini qarasaasiakkut attaveqarnermut atuumassutilinni.

Taamatuttaaq ATTAT nunat tamalaat ilinniartitaanikkut atuartitaanikkullu attuumassuteqarfigalugit suleqatigineqarnerisa annertusaavigineqarnissaannut peqataatinneqarsinnaavoq.

01.05.02
KIIIP IKT-Gruppe